Космосга энг узоқ саёҳат бўйича рекордчи россиялик космонавт 80 ёшида вафот этди.

Валерий Поляков 1994 йилдан 1995 йилгача “Мир” космик станциясида Ер атрофида 437 кун давомида тўлиқ айланиб чиққан, унинг 14 ойлик экспедицияси Марсга ва орқага саёҳат қилиш билан тенгдир.

У одамлар Марсга узоқ саёҳат қилсалар, руҳий саломатликларини сақлаб қолишлари мумкинлигини аниқлаш учун тажрибалар устида ишлади.

Синовлар шуни кўрсатдики, унинг 14 ойлик экспедицияси натижасида унинг когнитив функциясида ҳеч қандай бузилиш йўқ.

Поляковнинг вафоти ҳақида Россия космик агентлиги эълон қилди.

Унинг ўлими сабаблари маълум қилинмади.

“Роскосмос” агентлиги Поляковнинг тадқиқотлари инсон танаси Ер орбитасидан анча узоққа, чуқур коинотга парвозларни амалга ошириши мумкинлигини исботлашга ёрдам берганини қўшимча қилди.

Манбаларга кўра Поляков 1942 йилда пойтахт Москванинг жанубида жойлашган Тула шаҳрида туғилган, дастлаб шифокор, кейин эса космонавт бўлган.

У 1988 йил август ойида миссиясига учирилиб, саккиз ой орбитада бўлган.

Олти йил ўтгач, унинг парвози коинотга энг узоқ саёҳат бўйича ўзининг рекордини қўлга киритди, бу ҳозиргача сақланиб келмоқда.

Маълумот учун, Поляков 1994 йил 8 январдан 1995 йил 22 мартигача “Мир” космик стансиясида яшаган ва ишлаган. Ер атрофида тахминан 7 000 мартадан ортиқ айланган.

• АҚШ
• Roskosmos
• Россия