Латвия ҳукумати 23 апрель куни бўлиб ўтадиган йиғилишда асосий таълимда рус тилидан иккинчи чет тили сифатида босқичма-босқич воз кечиш тўғрисида қарор қабул қилади. Бу ҳақда “Delfi” хабар берди.
Қайд этилишича, бугунги кунда латвиялик мактаб ўқувчилари инглиз тилини биринчи чет тили сифатида ўрганмоқда, иккинчи чет тилини эса бошланғич мактаб охиридан бошлаб ўрганишни бошлайди. Болалар иккинчи чет тили сифатида француз, немис ва бошқа тилларни ўрганишлари мумкин, аммо амалда рус тили кўпинча ўқитилади. Чунки мактабларда кўпинча бошқа тил ўқитувчилари йўқ.
Таълим ва фан вазирлиги маълумотларига кўра, Латвия мактабларининг деярли ярмида рус тили иккинчи чет тили сифатида ўқитилади. 2026/2027 ўқув йилидан бошлаб мактаблар ўқувчиларга иккинчи чет тили сифатида Европа Иттифоқи ёки Европа иқтисодий ҳудудига (ЭЕА) аъзо мамлакатларнинг расмий тилларидан бирини таклиф қилиши кутилмоқда. Шундай қилиб, рус тили мактаб таълим тизимидан чиқариб ташланади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!