Жанубий Американинг Эквадор давлатида фавқулодда ҳолат эълон қилинди. Фито лақабли жиноий гуруҳ аъзоси Адолф Масиас Салазар қамоқдан қочиб кетган. Оқибатда мамлакатнинг турли ҳудудларида портлашлар содир этилиб, полиция ходимлари ўғирлаб кетилган. Маҳбусларнинг қўзғалон кўтаришига жиноятчиларга қарши жазо турларининг ислоҳ қилиниши бўлган, деб хабар берилмоқда.

Кеча " TC Television " телеканалининг студиясига жонли эфир вақтида қуролланган шахслар бостириб кирган. Юзлари ниқобланган шахслар студиядагиларни гаровга олиб, дикторнинг чўнтагига портловчи моддалар солиб қўйган. Шунингдек, гуруҳнинг бир қисми камерага турли хил портловчи моддалар, жумладан, гранаталарни кўрсатган. Бу билан очиқдан-очиқ қуролли ҳужумларга провокация сигнали жўнатилди деб, баҳоланмоқда.

Эквадор полиция телестудияга бостириб кирганларнинг барчасини ҳибсга олган.

Мафия тўдасининг Гуаяс қамоқхонасидан қочиб кетиши ортидан давлат раҳбари 3 минг хавфсизлик кучлари иштирокида операция бошланганлигини маълум қилди.

• Эквадор
• Janubiy Amerika