Шунингдек “қизил иблислар” яна бир вундеркиндни кузатмоқда.

“Манчестер Юнайтед” ярим ҳимоячилар Френки Де Ёнг ва Жуд Беллингемга қизиқиш билдирмоқда.

ESPN ўз манбаларига таяниб, “Манчестер Юнайтед” бутун ёз давомида ўз сафига қўшиб олмоқчи бўлган “Барселона” ярим ҳимоячиси ҳамон инглиз клубининг трансфер мақсадлари рўйхатида эканлигини ёзмоқда. Қолаверса, келаси ёзда “Манчестер Юнайтед” “Боруссия” ярим ҳимоячиси учун курашда иштирок этмоқчи.

“Юнайтед”нинг доимий қизиқишига қарамай, Де Ёнг ўтган ёзда “Барселона”да қолди ва кейин ҳеч қачон Каталония клубини тарк этмоқчи эмаслигини айтди. Бироқ, манбаларнинг ЭСПНга айтишича, Эрик Тен Хаг футболчининг жамоат жойларида тутган позициясидан хижолат тортмайди. Мураббий “Манчестер Юнайтед” келаси ёзда Де Ёнг учун яна бир таклиф юборишини истисно этмаяпти. Инглиз клуби Френки келажакда “Барселона”ни тарк этиши мумкин деб ҳисоблайди ва футболчини “Манчестер Юнайтед”га ўтишга кўндириш мумкинлигига ишонади.

Эслатиб ўтамиз, ўтган ёзда “Юнайтед” “Барса” билан Де Ёнг борасида келишув параметрлари бўйича келишиб олганди, аммо трансфер амалга ошмади, чунки футболчи клубини ўзгартирмоқчи эмас эди.

“Манчестер Юнайтед” манбаларининг таъкидлашича, клуб Беллингҳем учун “Манчестер Сити”, “Ливерпул” ва “Реал Мадрид” билан рақобат қилишини тушунади.

Қишда МЮ жамоа таркибини жиддий ўзгартирмайди. Клуб қайта қуришни давом эттириш учун ёзгача кутади.

• Барселона
• Френки Де Йонг
• Футбол
• Manchester Yunayted
• Трансферлар