Ихтисослаштирилган таълим муассасалари агентлиги тизимида “Янги Ўзбекистон” университети ҳамда Мирзо Улуғбек номидаги ихтисослаштирилган мактаб тажрибаси асосида муҳандислик мактаблари ташкил этилмоқда.

Мазкур даргоҳларда “Янги Ўзбекистон” университети ва Мирзо Улуғбек номидаги ихтисослаштирилган мактаб тажрибаси асосида муҳандис кадрлар тайёрлайдиган олий таълим ташкилотлари билан интеграциялашган муҳандислик таълим дастури жорий этилади. Ушбу мактаблар 14 та ҳудудда ташкил этилади.

Ўқув жараёни 5 йиллик дастур асосида STEAM модели бўйича ташкил этилади ва дастлабки 3 йилда физика, математика ва хорижий тил фанларига, кейинги 2 йилда муҳандислик фанларига бошланғич тайёргарликка эътибор қаратилади.

2026 йил 1 январдан бошлаб ҳар йили умумтаълим мактаблари ўртасида Ўзбекистон Республикаси Президенти соврини учун “Илғор муҳандислик мактаби” миллий танлови ўтказилади.

Муҳандислик мактабларининг фаолиятини такомиллаштириш Ўзбекистоннинг ривожланишига кўп қиррали ҳисса қўшади. Биринчидан, “Янги Ўзбекистон” университети ва Мирзо Улуғбек номидаги ихтисослаштирилган мактаб тажрибасига асосланган муҳандислик мактаблари STEAM модели асосида юқори малакали муҳандис кадрлар тайёрлайди.

• АОКА
• Президент
• Таълим
• Видеоселектор