Наманган вилоятида 65-70 мингта хонадонни электр энергияси билан таъминлаш имконига эга 3 та ГЭС қурилмоқда. Бу ҳақда Энергетика вазирлиги хабар берди.

Қайд этилишича, катта Фарғона каналининг Наманган вилоят Учқўрғон тумани ҳудудидан ўтган қисмида умумий қуввати 12 МВт бўлган 2 та кичик гидроэлектр станция қурилиб, 2019 йилда ишга туширилган.

Маълум қилинишича, ҳозирда катта Андижон каналида қуввати 23 МВтга тенг бўлган 3 та гидроэлектр станцияси қурилиш ишлари амалга оширилмоқда.

Бу эса қўшимча равишда йилига 175 млн. кВт·соат электр энергияси ишлаб чиқарилиши ва 65-70 мингта хонадонни электр энергияси билан таъминлаш имконини беради.

• Энергетика_вазирлиги
• GES
• Наманган