Ижтимоий тармоқларда Навоий вилояти Қизилтепа туманидаги “Тўдакўл” дам олиш масканида бўлиб ўтган фестивалда бир киши ҳалок бўлгани ҳақида хабар тарқалди. Вилоят ИИБ ҳолатга муносабат билдирди.

Қайд этилишича, 25 июн куни соат 15:45 ларда Қизилтепа туман тиббиёт бирлашмасига вояга етмаган Н.Д. (2006-йилда Навоий шаҳрида туғилган) Қизилтепа туманида жойлашган “Тўдакўл” дам олиш масканига дам олиш учун бориб, тўсатдан вафот этгани тўғрисида маълумот келиб тушган. Суд тиббий экспертиза хулосасига кўра, марҳум тўсатдан ўлим синдроми, ўткир юрак қон томир нафас етишмовчилиги оқибатида вафот этган.

Ҳолат юзасидан суриштирув ҳаракатларини туман прокуратураси олиб бормоқда.

• Дам
• ИИБ
• Навоий