Бошқирдистоннинг УФА шаҳрида уй ҳайвонлари сабаб уй эгасининг квартирасида тасодифан ёнғин бошланди. Бу ҳақда Россия Фавқулодда вазиятлар вазирлиги расмий Телеграм каналида хабар берилди.

Қайд этилишича, кўп қаватли уй аҳолиси тез ёрдам хизматига қўнғироқ қилиб, кираверишда кучли ёнғин ҳиди пайдо бўлганлиги ҳақида хабар берган.

Уйни очган вақтида эса уй эгалари йўқлиги ва уйда фақат бешта мушук Маша, Мотя, Муся, Сима ва Вася бор эканлиги малум бўлган. Ўша вақтда ҳам печкада овқат солинган идишлар ёниб турган.

ФВВнинг маълум қилишича, оч қолган уй ҳайвонлари озиқ-овқат излаб, индукцион печка устига чиқиб, панжалари билан уни ёқишган.

Шунингдек, кириш жойидан тўрт кишини эвакуация қилишган ва ёнғинни ўчиришган.

• Boshqirdiston
• мушук
• ёнғин