Ортиқча вазндан азият чекувчи инсонлар кўпинча очлик ҳиссини ичимликлар эвазига йўқотишни маъқул кўришади. Бироқ, баъзи ичимликларни оч қоринга истеъмол қилиш жиддий касалликларга сабаб бўлиши мумкин.

Янги тайёрланган мева шарбати

Мева шарбати витаминлар ва антиоксидантларга бой ҳисобланади. Бироқ оч қоринга истеъмол қилинган мева шарбати қондаги глюкоза миқдорини кескин ошириб юборади. Бундай ҳолда ошқозон глюкоза миқдорини камайтириш учун кўп миқдорда инсулин ишлаб чиқаради. Натижада глюкемик ўзгарувчанлик пайдо бўлади. Бундай ҳолатда юрак қон-томир касалликлари ва вазн ошиш хавфи кучаяди.

Қаҳва

Қаҳва меъда ширасини ошириши исботланган. Шу сабабли ошқозон яраси ва ичак синдроми мавжуд инсонларга оч қоринга қаҳва истеъмол қилиш тавсия қилинмайди. Чунки меъда ширасининг ортиқча миқдори ошқозон шиллиқ қаватига зарар етказади.

Спиртли ичимликлар

Оч қоринга истеъмол қилинган спиртли ичимликлар қондаги глюкоза миқдорини камайтиради. Натижада асабийлик, титроқ, ўткир очлик ҳисси каби салбий оқибатлар келиб чиқади. Шунингдек, спиртли ичимликлар овқат ҳазм қилиш муаммоларини келтириб чиқаради.

Аччиқ чой

Чой таркибида танинлар мавжуд. Оч қоринга чой исътемол қилганда, танинлар кўнгил айнишини келтириб чиқариши мумкин. Ичимлик қанчалик аччиқ бўлса, танинлар миқдори шунчалик юқори бўлади ва кўпроқ ноқулайликлар туғдиради. Чойни овқатдан ярим соат ўтгач истеъмол қилиш тавсия этилади.

• Фойдали
• ichimliklar
• қизиқарли
• саломатлик