Франциядаги машҳур Прованс далаларини кўриш учун энди минглаб километр йўл босиш шарт эмас. Чунки бугун Ўзбекистонда ҳам ўзининг бинафша рангга бурканган лаванда боғлари сайёҳларни ўзига ром этмоқда. Фарғона водийсида, хусусан Қўқон ва Учкўприк ҳудудларига яқин жойларда барпо этилган лаванда плантациялари сўнгги йилларда ҳақиқий туризм нуқтасига айланмоқда.

Бу ерда ёз ойларида очиладиган бинафша гуллар нафақат кўзни қувонтиради, балки бутун ҳудудни хушбўй ифор билан қоплайди.Маълумотларга кўра, Ўзбекистондаги лаванда майдонлари “Меҳригиё” каби экотуризм ва доривор ўсимликлар етиштиришга ихтисослашган марказлар фаолияти билан боғлиқ. Бу жойларда лаванда фақат манзара учун эмас, балки эфир мойи, косметика ва тиббиёт маҳсулотлари учун ҳам етиштирилади. 

Лаванда далаларида сайр қиласиз, фотосессияларда иштирок этасиз, лавандадан тайёрланган маҳсулотларни татиб кўрасиз, ёзги фестиваль ва маданий тадбирлардан баҳраманд бўлишингиз мумкин. Ўзбекистонда экотуризмни ривожлантириш, ҳудудларни сайёҳлар учун янада жозибадор қилиш ва янги иқтисодий имкониятлар яратишда муҳим аҳамият касб этади.Бугун лаванда фақат Франциянинг Прованси билан чекланиб қолмайди. Энди у Ўзбекистон далаларида ҳам гуллаб-яшнамоқда — ва бу гўзалликни кўриш учун узоққа бориш шарт эмас.