Ўзбекистонда “Битирувчилар сифати индекси” натижаларига кўра, энг юқори кўрсаткич қайд этган 20 та олий таълим муассасаси рўйхати эълон қилинди. Бу ҳақда Таълим сифатини таъминлаш миллий агентлиги маълум қилди.

Топ-20 талик олийгоҳлар тўрт йўналиш — ижтимоий-гуманитар, амалий, тиббиёт, ижод ва спорт фанлари бўйича шакллантирилган.

Йўналишлар кесимида энг юқори натижа қайд этган олийгоҳлар қуйидагилар:

Ижод ва спорт: Ўзбекистон давлат консерваторияси — 81,5 балл, унинг Нукус филиали — 79,6 балл;

Ижтимоий-гуманитар фанлар: Тошкент шаҳридаги Wебстер университети — 76,3 балл, Осиё халқаро университети — 73,4 балл, Халқаро Нордик университети — 72,1 балл;

Амалий фанлар: Тошкент шаҳридаги Инҳа университети — 74,2 балл, Навоий давлат кончилик ва технологиялар университети — 72,4 балл, Олмалиқ давлат техника институти — 69,1 балл;

Тиббиёт фанлари: Тошкент давлат тиббиёт университетининг Термиз филиали — 74,0 балл, Фарғона жамоат саломатлиги тиббиёт институти — 64,0 балл.

Умумий кўрсаткичлар бўйича энг юқори натижани Ўзбекистон давлат консерваторияси қайд этган — 81,5 балл.

Таълим сифатини таъминлаш миллий агентлиги мазкур индекс натижалари иш берувчилар учун битирувчилар тайёргарлиги ва таълим сифати бўйича муҳим кўрсаткичлардан бири бўлиб хизмат қилишини қайд этди.

Аввалроқ агентлик маълумотларига кўра, битирувчиларнинг ўртача ойлик иш ҳақи 4,9 миллион сўмни ташкил этгани, олийгоҳни тамомлаганлардан ишга жойлашишгача бўлган ўртача муддат эса 2 ой 27 кун экани маълум қилинган.