Ўзбекистонда 7−11 июль кунлари ҳаво ҳарорати аста-секин пасаяди ва 31-38 даража иссиқ атрофида бўлади. Фарғона водийси вилоятларида қисқа муддатли ёмғир ёғиши эҳтимоли ҳам бор.

“Ўтган ҳафта республика бўйича кузатилган кучли жазирамадан сўнг, 7−11 июль кунлари Ўзбекистон ҳудуди бўйича ҳаво ҳарорати аста-секин пасайиши кутилмоқда”, – дея хабар берди “Ўзгидромет”.

Ҳаво ҳарорати душанба кундузи 36-41 даража иссиқни, 8–9 июль кунлари 33-38 даража иссиқни, 10–11 июлда 31-36 даража иссиқни ташкил этади. Ўзбекистон жанубида ҳам ҳарорат пасаяди ва иш ҳафтасининг охирига келиб ҳарорат 37-40 даражагача пасаяди.

Республика ҳудудининг катта қисмида ёғингарчилик кутилмайди. Фақат Фарғона водийси вилоятларида, шунингдек, тоғолди ва тоғли ҳудудларда 9–10 июль кунлари қисқа муддатли ёмғир ёғиши эҳтимоли бор.

Республика бўйича баъзи жойларда шамол тезлиги 13−18 метр/сониягача кучайиши, чанг-тўзонлар кузатилиши мумкин.

Тошкентда ҳаво бироз булутли, вақти-вақти билан ўзгарувчан бўлади, ёғингарчилик кутилмайди. 8–9 июлда 35-38 даража иссиқ, 10–11 июлда 32-37 даража иссиқ бўлади.

• Об-ҳаво
• Ўзгидромет
• issiq havo