Президентнинг “Таълим сифатини таъминлаш ва таълим хизматлари кўрсатиш тизимини такомиллаштириш бўйича қўшимча чора-тадбирлар тўғрисида” фармонига кўра, 2025/2026-ўқув йилидан бошлаб таълимнинг сиртқи шаклига қабул тугатилди.

Ушбу талаб давлат олийгоҳлари учун ҳам, хусусий олийгоҳлар учун ҳам бирдек амал қилади. Ҳозирги пайтда ўқиётган юқори босқич талабалари ўқишини сиртқида давом эттиради.

Сиртқи таълимнинг ўрнига кундузги таълимдан бошқа муқобил таълим шакллари бўйича қабул квоталари босқичма-босқич ошириб борилади. Шунингдек, мақбуллаштирилган кундузги таълим шакли (парт-тиме education) бўйича ўқитишга рухсат берилади.

Олийгоҳларда муқобил таълим шакллари бўйича умумий қабул квотасини кундузги таълим шакли қабул натижасининг 50 фоизидан оширишга йўл қўйилмайди. Магистратура босқичида муқобил таълим шаклида ўқитишга рухсат берилади.

• Фармон
• Олий таълим
• Ўзбекистон
• Президент
• Sirtqi ta'lim