Ўзбекистоннинг Жаҳон мамлакатлари демократияси индексидаги ўрни маълум бўлди. Бу ҳақда Олий Мажлис Сенатида Танзила Норбоева ўтказилган Халқаро рейтинг ва индекслар билан ишлаш бўйича республика кенгашининг йиғилишида гапириб ўтган. 

Таъкидланишича, 2021 йилда эълон қилинган жами 19 та халқаро рейтингда Ўзбекистоннинг ўрни акс этиб, 11 тасида мамлакат ўз позициясини яхшилаган. Шунингдек, Глобал инновациялар индексида Ўзбекистон 2021 йилда 7 поғонага кўтарилиб, 132 та давлат орасида 86-ўринни эгаллаган ва энг тез юқорилаган мамлакатлар 10 талигига кирган.

Қайд этиш жоиз, Жаҳон мамлакатлари демократияси индексининг 2021-йил якунлари бўйича эълон қилинган рейтингда Ўзбекистон ўз позициясини 5 поғонага яхшилаб, 150-ўринни эгаллаган. Жаҳон банки томонидан юритиладиган Бошқарув сифати индикаторларининг 2 тасида мамлакатнинг ўрни яхшиланган бўлса, 2 тасида пасайган. Шунингдек, аҳоли фикрини ҳисобга олиш ва ҳисобдорлик ҳамда Ҳуқуқ устуворлиги индикаторларида Ўзбекистон ўз позициясини яхшилай олмаган.

Бундан ташқари, аҳоли фикрини ҳисобга олиш ва ҳисобдорлик индикаторида  190-ўриндан 194-ўринга, Ҳуқуқ устуворлиги индикаторида 179-ўриндан 181-ўринга тушган.

“Мерос” жамғармасининг Иқтисодий эркинлик индексида Ўзбекистон 177 та давлат орасида 117-ўринни эгаллаб, 2021 йилга нисбатан 9 поғонага пасайган ва мамлакат иқтисодиёти “асосан эркин бўлмаган мамлакатлар” гуруҳида қолди.

Хусусан, халқаро рейтингларда Ўзбекистоннинг ўрнини яхшилаш бўйича 2021 йилга мўлжалланган чора-тадбирлар режасида белгиланган жами 512 та банддаги вазифаларнинг 96 фоизи (489 таси) бажарилган. 

• Ўзбекистон
• demokratiya
• рейтинг