Бугун, 19 сентябрь куни айрим ижтимоий тармоқлар орқали Педагогика университети талабаси билан боғлиқ жанжалли видеолар тарқалди. Тошкент давлат педагогика университети ушбу воқеа юзасидан расмий муносабат билдирди.

Қайд этилишича, университет талабаси Ю.Р. доимий яшаш жойи Самарқанд вилояти Каттақўрғон туманидан Ж. исмли йигитнинг автомошинасида ота-онаси томонидан юборилган почта (озиқ овқат маҳсулотлари) ни икки марта қабул қилиб олган.

Талаба қизга ота-онасидан юборилган почтани Ж.исмли шахс университетга олиб келганида унинг аёли (видеодаги аёл) ҳам ёнида бўлган.

Таъкидланишича, бир неча кундан кейин содир бўлган видеодаги жанжалли ҳолат талаба Ю.Р. учун ҳам тушунарсиз бўлиб, ушбу воқеа юзасидан талаба Ички ишлар идораларига ариза билан мурожаат қилган.

Хабарга кўра, ушбу масала юзасидан Ички ишлар органи масъуллари томонидан тергов ишлари олиб борилаябди.

• Педагогика
• Талабалар