30 сентябрь куни Дубайдан Тель-Авив учаётган Flydubai самолётида капитанига ҳужум қилиб, бошқарувни эгаллашга уринган иккинчи учувчи ҳақида янги маълумотлар пайдо бўлди.

БАА Бош прокурори Ҳамад Саиф ал-Шамсийнинг маълум қилишича, ҳужумчи кабинада фавқулодда вазиятлар учун сақланадиган болта билан капитанга ҳужум қилган ва самолёт бошқарувини қўлга олишга уринган. Ҳодиса БАА терговчилари томонидан терактга уриниш сифатида баҳоланмоқда.

ABC News, C ва CBS News манбаларига кўра, ҳужумда гумон қилинаётган шахс 29 ёшли Уммон фуқароси Ҳаммам ал-Ҳаммами бўлган. У 2024 йилда Oman Air авиакомпаниясида иккинчи учувчи-стажёр сифатида фаолият юритган.

Нашрлар хабарига кўра, ал-Ҳаммамида экстремистик мазмундаги материаллар аниқлангач, у парвозлардан четлатилиб, офис ишига ўтказилган. Кейинчалик авиакомпанияни тарк этган. Шундан сўнг у Royal Air Maroc компаниясида ишлаган ва тахминан саккиз ой аввал Флйдубаиъга ишга кирган.

Ҳозир терговчилар унинг аввал парвозлардан четлатилганига қарамай, қандай қилиб яна учувчи сифатида фаолият юритгани ва Исроилга учадиган рейсга иккинчи учувчи этиб тайинланганини аниқламоқда. Шунингдек, унинг Flydubai томонидан ишга қабул қилинишидан олдинги фаолияти қанчалик текширилгани ҳам ўрганилмоқда.

Тергов давомида ал-Ҳаммами самолётни Исроил ҳудудида қулатишни режалаштирганини айтган.

Ҳодиса вақтида самолёт фавқулодда сигнал берган ва Саудия Арабистонининг Табук аэропортига қўнган. Йўловчилар экипажга ҳужумчини зарарсизлантиришда ёрдам берган. Қўнишдан сўнг гумонланувчи қўлга олиниб, тергов учун БААга топширилган.

Воқеадан кейин Флйдубаи Исроилга парвозларини вақтинча тўхтатган. Самолёт капитани, Ҳиндистон фуқароси Смит Мачхар эса бир неча кунлик даволанишдан сўнг шифохонадан чиқарилган.