Россия терма жамоаси Олимпия ўйинлари финалида Финляндияга мағлуб бўлди

Пекиндаги (Хитой) Марказий аренада Хоккей бўйича Россия ва Финляндия терма жамоалари тўқнаш келишди. Эркаклар ўртасидаги Олимпиада ўйинлари финал учрашуви финляндиялик хоккейчиларнинг 2:1 (0:1, 1:0, 1:0) ҳисобидаги ғалабаси билан якунланди.

8-дақиқада Никита Гусев ва Никита Нестеровнинг узатмаларидан унумли фойдаланган Михаил Григоренко ҳисобни очди.

25-дақиқада Авангард ва Финляндия терма жамоаси ҳимоячиси Вилле Покка ҳисобни тенглаштирди. Ханнес Бёрнинен ва Атте Охтамаа Поккага ассистентлик вазифасини ўтаб беришди.

Учинчи бўлимнинг 31-сониясида эса Ханнес Бёрнинен Марко Анттила ва Атте Охтаманинг узатмаларидан Россия дарвозасига шайба киритиб, Финляндияга чемпионлик келтирган голга муаллифлик қилди.

Шу тариқа Финляндия хоккей терма жамоаси ўз тарихида илк бора «Оқ Олимпиада»да чемпионга айланди.

2022 йилги Қишки Олимпия ўйинлари. Хоккей. Финал

20 февраль, 2022 йил, якшанба.

Россия — Финляндия 2:1

Голлар: 0:1 Григоренко (Нестеров, Гусев) – 07:17ʼ (5х4) 1:1 Покка (Бёрнинен, Охтамаа) – 23:28ʼ (5х5) 2:1 Бёрнинен (Анттила, Охтамаа) – 45:31ʼ (45:35)

Ўз навбатида, 3-ўрин Словакия терма жамоасига насиб этди. Улар мусобақанинг бронза медаллариучун курашда Швеция терма жамоасини 4:0 ҳисобида таслим этишди.

• Қишки Олимпиада
• Хитой