Сербия пойтахти Белградда ўтказилган “Чампионс League 2025” дзюдо клублараро турнирида Ўзбекистон терма жамоасининг 4 нафар аъзолари турли клублар таркибида муваффақиятли иштирок этди. Мусобақада жаҳон дзюдосининг энг кучли вакиллари қатнашди.
Ўзбекистонлик дзюдочи, “Париж-2024” Олимпиадаси совриндори Алишер Юсупов ҳаракат қилган Франциянинг “Пари Сен-Жермен” жамоаси турнир финалида Сербиянинг “Ред Стар” клубини 4:2 ҳисобида мағлуб этиб, Европа Чемпионлар Лигаси ғолиби бўлди. Юсуповнинг финалдаги ишончли кураши жамоанинг умумий муваффақиятига катта ҳисса қўшди.
Бундан ташқари, яна уч нафар ўзбекистонлик спортчилар — Музаффарбек Тўрабоэв, Шаҳрам Аҳадов ва Шаҳзодхўжа Шарипов таркибида курашган Қозоғистоннинг “Женис” клуби бронза медалларини қўлга киритди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!