Хитойнинг Сяндаоху шаҳрида теннис бўйича ITF М25 тоифасига кирувчи турнир ўз якунига етди.

Аҳамиятлиси, мусобақа бош соврини ўзбекистонлик ракетка устаси Сергей Фоминга насиб этди. Ўзбекистоннинг иккинчи ракеткаси ҳал қилувчи финал учрашувида нейтрал мақомдаги асли беларуслик теннисчи Микалай Халякни ортиқча қийинчиликсиз мағлубиятга учратди. Бир соат-у 22 дақиқа давом этган финал баҳсида Фомин сетлар бўйича 6/2, 6/1 ҳисобида зафар қучди.

Турнирда тўртинчи рақам остида таснифланган Фомин ярим финалда мусобақанинг биринчи ракеткасини сенсацион тарзда мағлуб этганди. Сергей айни дамда ATP рейтингида 463, 27 ёшли Халяк эса 863-ўринни эгаллаб турибди. Бу теннисчиларнинг ўзаро ўтказган илк учрашуви эди.

• Теннис
• Хитой
• turnir