Агар сиз калория миқдорини назорат қилмасангиз, ҳар қандай маҳсулот истеъмоли ортиқча вазн йиғишга сабаб бўлиши мумкин. Бошқача қилиб айтганда, истеъмол қилган маҳсулотлар берган калорияни сарфлашга улгурмаслик семизликка олиб келади. Шу билан бирга, парҳез самарадорлигини оширишга ёрдам берадиган маҳсулотлар мавжуд.

1. Қовурилган балиқ 

Балиқ нафақат гўштга қараганда камроқ калория, балки юрак ва мия саломатлиги учун фойдали бўлган “омега-3” кўп тўйинмаган кислоталарни ўз ичига олади ҳамда вазн йўқотиш учун қулай гормонал муҳит яратади.

Қовурилган балиқ истеъмол қилиш қондан глюкозани тозалайдиган гормон – инсулинга сезгирликни ошириши мумкин. Бу, ўз навбатида, қўшимча вазн олиш, метаболик синдром ва энергия алмашинуви бузилишининг хавфини камайтиради. 

Бундан ташқари, қизил икра, селд балиғи ва сардаляларни истеъмол қилиш яллиғланишни камайтирадиган ва қорин бўшлиғида вазн йўқотишига ёрдам берувчи гормон – адипонектин даражасини оширади.

Илмий тадқиқотнинг мета-таҳлили шуни кўрсатадики, қовурилган балиқ қабул қилиш хоҳ диета билан, хоҳ диетасиз бел атрофидаги семиришни камайтиришга ёрдам беради.

Баъзи гўштли овқатларни балиқ билан алмаштиришга ҳаракат қилинг – ва сиз нафақат диетанинг калория миқдорини камайтирасиз, балки соғлиқ учун қўшимча фойда ҳам оласиз.

2. Чили қалампири

Чили қалампири таркибида капсаицин мавжуд бўлиб, у овқатдан кейин тўйиш ҳиссини узайтиради. Шунингдек, у озиқ-овқат билан боғлиқ термогенезни, озуқа моддаларини ҳазм қилиш ва сўриш учун тананинг энергия сарфини ошириши мумкин.

Иккита мета-таҳлил натижасиша кўра, танага капсаицин қўшилиши 4-12 ҳафта ичида вазн йўқотишни таъминлайди ва диетасиз ҳам тахминан 0,5 кг йўқотишга ёрдам беради.

Бундан ташқари, аччиқ қалампир истеъмоли қисқа муддатда семириш эҳтимолини камайтиради.

Шундай қилиб, агар сиз аччиқни ёқтирсангиз, ҳар қандай таомга чили қўшинг. Албатта, овқат ҳазм қилиш тизими билан боғлиқ муаммоларга олиб келмаслик учун ўртача миқдор тавсия қилинади.

3. Қора шоколад

Камида 70 фоиз какао таркибига эга шоколад организмдаги оксидловчи стресс ва яллиғланиш билан курашишга ёрдам берадиган антиоксидантлар, табиий бирикмалар кўплиги туфайли тавсия этилади.

Бундан ташқари, аччиқ “плитка”лар танамизнинг асосий харажати бўлган дам олиш учун энергия сарфини ошириши мумкин.

Кичик тажрибада аёллар икки гуруҳга бўлинган. Баъзиларига кунига 20 грамм қора шоколад, бошқаларига эса калория бўйича худди шундай миқдорда сутли шоколад берилган. Иштирокчиларнинг энергия сарфини ўлчаб, тадқиқотчилар юқори фоизли какао бўлган ширинлик дам олиш учун энергия сарфини 9,6 фоизга оширади деган хулосага келган.

Бошқа бир тадқиқотда, кекса аёллар эрталаб ёки кечқурун 100 грамм шоколад истеъмол қилган, қолган вақтда эса улар хоҳлаганча овқатланган.

Шоколаднинг юқори калорияли таркибига (542 ккал) қарамай, иштирокчилар тажрибанинг 28 кунида ортиқча вазнга эга бўлишмади. Уларнинг иштаҳаси ва ширинликларга бўлган иштиёқи камайди ва кун давомида ёғ тўпланишига ёрдам берувчи стресс гормони – кортизол камайиши кузатилди.

Қора шоколадни ҳатто паст карбонгидратли диетада ҳам истеъмол қилиш мумкин. Шундай қилиб, бир тажрибада одамлар таркибида 81 фоиз какао бўлган 42 грамм маҳсулот истеъмол қилиб, аввалгисига қараганда 10 фоиз кўпроқ вазн йўқотган. Бундан ташқари, тажриба тугаганидан кейин ҳам уларда қўшимча вазнга эга бўлиш ҳолати кузатилмаган.

4. Киви

Киви таркибида олма, апелсин, банан, қулупнай ва кўкатларга қараганда “С”, “Е”, “К” витаминлари кўпроқ мавжуд.

Киви антиоксидантларнинг бой манбаи сифатида танани оксидловчи стресс ва яллиғланишдан ҳимоя қилади, иммунитетни қўллаб-қувватлайди ва вазн йўқотишга ёрдам беради.

Тадқиқотларнинг бирида, “С” витамини етарли бўлган одамлар жисмоний фаоллик пайтида ушбу антиоксидант этишмаслигидан азият чекадиганларга қараганда 30 фоиз кўпроқ ёғдан қутулишади.

Ширин ва нордон мева сизга бошқа йўл билан вазн йиғишга ёрдам беради – уйқуга таъсири орқали. Тунги дам олишнинг етарли даражада бўлмаслиги вазн олиш хавфини оширади, парҳезлар самарадорлигини пасайтиради ва қориндаги ёғларнинг тўпланишига ҳисса қўшади. Бироқ киви вазиятни тўғирлаши мумкин.

Тадқиқотлар натижалари шуни кўрсатадики, бир ой давомида ётишдан бир соат олдин иккита мева истеъмол қилиш уйқу давомийлигини 13,4 фоизга оширади, ухлаб қолиш вақтини қисқартиради ва тунги уйғонишлар сонини камайтиради.

5. Йогурт

Йогурт таркибида тахминан 2,7 фоиз сут оқсили, 15 фоиздан кам ёғ ва ичак саломатлиги учун фойдали бўлган сут кислотаси бактериялари “Бифидобаcтериум лаcтис” ва “Лаcтобаcиллус аcидопхилус” мавжуд.

Тадқиқотларга кўра, йогуртни кўпроқ истеъмол қилган одамларда тана массаси индекси, бел атрофи ва танадаги ёғ миқдори пастроқ бўлиб, вақт ўтиши билан вазнни сақлашда яхши самара беради. Бундан ташқари, ушбу маҳсулот вазн йўқотиш натижаларини яхшилаши мумкин. 

Саломатлигингизга эътиборли бўлинг. Чунки ҳаёт бир марта берилади.

• Parxez
• Taom\