29 октябрь куни тонгда ЮНЕСКО бош директори Одри Азуле ва ташкилотнинг 43-Бош конференцияси иштирокчилари “Париж — Самарқанд” йўналиши бўйича махсус чартер рейс орқали Самарқанд шаҳрига етиб келди. Бу ҳақда Самарқанд вилояти ҳокимлиги ахборот хизмати хабар берди.

Меҳмонларни Ўзбекистон ҳукумати ҳамда Самарқанд вилояти ҳокимлиги вакиллари тантанали тарзда кутиб олди. Бу воқеа ЮНЕСКОнинг илк бор Париждан ташқарида Бош конференция ўтказиши билан ҳам аҳамиятли ҳисобланади.

2017 йилдан бери ЮНЕСКОга раҳбарлик қилиб келаётган Одри Азуле учун бу сессия бош директор сифатидаги охирги иштироки бўлади.

Самарқандда ЮНЕСКОнинг янги бош директори расман ишга киришади. Бу вазифага яқинда ташкилот Ижроия қўмитасининг 222-сессиясида ўтказилган сайловда ғолиб чиққан мисрлик 54 ёшли Холид Ал-Ананий тасдиқланади.

ЮНЕСКО Бош конференциясининг 43-сессияси 30 октябрдан 13 ноябргача Самарқанд шаҳрида бўлиб ўтади. Бу сессия ташкилот тарихидаги сўнгги 40 йил ичида Париждан ташқарида ўтказилаётган илк анжуман бўлади.

• Самарқанд
• Ташриф
• ЮНЕСКО
• direktor