“Дунё” ахборот агентлиги хабар беришича, Полшада қийин вазиятга тушиб қолган икки фуқаро элчихона кўмагида Ўзбекистонга қайтарилди. Улардан бири – наманганлик эркак саломатлигидаги муаммо сабабли оғир аҳволга тушгани, иккинчиси – қашқадарёлик эркак молиявий қийинчилик ва ҳужжатларини йўқотгани боис элчихонага мурожаат қилган. Шундан сўнг элчихона вакиллари уларни ватанга қайтариш учун зарур чора-тадбирларни амалга оширган.

Бетоб бўлиб қолган фуқаро инсульт ташхиси билан тиббий муассасада бўлган. Шу боис, унга Полша тиббиёт муассасаси тавсиясига мувофиқ, парвозга рухсат берилгунга қадар зарур тиббий ёрдам кўрсатилган. Иккинчи фуқарога эса Ўзбекистонга қайтиш ҳужжатлари тўғриланган.

Уларни қайтариш Варшава­–Рига йўналишида махсус транспортда, Рига­–Тошкент бўйича эса авиарейс орқали амалга оширилди. Ҳар икки фуқаро учун Латвияга кириш рухсатномалари расмийлаштирилиб, транзит ҳаракати таъминланган. Ригагача транспорт хизматлари ташкил этилган ва авиачипталар харид қилинган.

• Elchixona
• Ўзбекистон
• Полша
• fuqaro