Фуқароларнинг “Умра” тадбирларини муносиб ва хавфсиз бажаришлари учун шарт-шароитлар яратиш, уларнинг ҳуқуқлари ва қонуний манфаатларини ҳимоя қилиш доирасида “Умра” тадбирларини ташкил этиш ва ўтказиш фаолияти билан лицензиясиз ташкил этаётган тадбиркорлик субъектларига нисбатан тизимли чора-тадбирлар давом этмоқда.

Дин ишлари бўйича қўмита томонидан ўтказилган текширувларда Фарғона вилояти Марғилон шаҳрида жойлашган “Хурмо травел умра” МЧЖ (Сахий травел) томонидан фуқароларга лицензиясиз “Умра” тадбирини ташкил этиб келгани аниқланди.

Шунингдек, Сурхондарё вилояти, Денов шаҳрида “Анор tour” номи остида, Тошкент шаҳри, Чилонзор туманида “Сокин травел” номи остида жисмоний шахслар томонидан давлат рўйхатидан ўтмасдан “Умра” тадбирини ташкил этиб келгани аниқланди.

Юқоридаги ҳолатлар юзасидан Қўмита томонидан “Хурмо travel um” МЧЖ (Сахий травел)га нисбатан “Лицензиялаш, рухсат бериш ва хабардор қилиш тартиб-таомиллари тўғрисида”ги Ўзбекистон Республикасининг Қонунининг тегишли моддалари талаблари бузилиши  юзасидан иш қўзғатилиб, ишни кўриб чиқиш якунлари юзасидан БҲМнинг 200 баравари (75 млн сўм) жарима қўллаш бўйича қарор қабул қилинди.

“Анор tour” ва “Сокин travel” номлари остида ишлаб келган жисмоний шахсларнинг хатти-ҳаракатлари бўйича тўпланган материаллар тегишли чора кўриш юзасидан ҳуқуқ тартибот органларига юборилди.

• лицензия
• Умра