Bloomberg хабарига кўра, олтин нархи 30 январь куни тўрт фоиздан кўпроққа арзонлашиб, бир унцияси 5 208,93 доллар атрофида баҳоланди. Унинг нархи 29 январь куни 5500 доллардан ошиб, тарихий рекорд ўрнатган эди.

30 январь куни олтин қуймалари нархи 4,8 фоизга пасайди. Кумуш нархи 4,9 фоизга тушиб, 110,0425 доллар бўлди. Платина ва палладий нархларида ҳам пасайиш кузатилган. Доллар индексининг 0,5 фоизга ошиши қимматбаҳо металларга бўлган харидларни қийинлаштирди.

Олтин йил бошидан буён 20 фоиздан кўпроққа қимматлашган эди. Бунга Трампнинг халқаро тартибни кескин ўзгартирувчи сиёсати ва Федерал захира тизими мустақиллигига қилган танқидлари сабаб бўлган. Шунингдек, АҚШ президентининг Эронга зарба бериш таҳдиди ва Кубага нефть етказиб берувчи давлатларга бож жорий этиш режаси бозорлардаги тарангликни кучайтирди.

• Kumush
• Нарх-наво
• Олтин