Украина президенти Владимир Зеленскийнинг айтишича, улар қишда ҳаво ҳарорати тушган вақтда Россиянинг асосий энергетика инфратузилмасига ҳужум қилишни режалаштирмоқда. Бунда Ғарбдан жўнатилган ҳаво мудофаа тизимларини жойлаштирган, дейилади Ал-жазира нашрида.

Украинанинг Россия томонидан босиб олинган Донецк вилояти раҳбари Денис Пушилиннинг айтишича, Донецк шаҳрида Украина кучлари томонидан ўққа тутилиши оқибатида 6 киши ҳалок бўлган, 11 киши яраланган.
Россия Мудофаа вазирлиги Украинадан аннекция қилиб олинган Қора денгиз ва Қрим устида Украина томонидан учирилган жами 17 та учувчисиз учиш аппаратини йўқ қилгани ва тутиб олганини маълум қилди.

Авдиивка ҳарбий маъмурияти раҳбари Виталий Барабашнинг айтишича, Украина Донецкдан атиги 10 км узоқликда жойлашган шарқий шаҳарчада янги ҳужумга тайёрланмоқда. “Учинчи тўлқин албатта содир бўлади. Муваффақиятсиз ҳужумларнинг иккинчи тўлқинидан сўнг душман яна тўпланмоқда”, — деган Барабаш.
Нидерландия Руминияга илк бешта F-16 қирувчи самолётини украиналик учувчиларни тайёрлашда фойдаланиш учун юборганини маълум қилди. У ўқув маркази учун 18 та жанговар самолётни, шунингдек, жанговар ҳаракатлар учун F-16 самолётларини Украинага етказиб беради.

Малика Норбекова

• Halokat
• Қурбон
• Россия
• Украина
• Уруш