Россия ҳукуматнинг қонун лойиҳалари бўйича комиссияси 9 февраль куни Молия вазирлиги томонидан ишлаб чиқилган чора-тадбирлар пакетини маъқуллади.

Агар ушбу пакет тасдиқланса, Федерал солиқ хизмати тизимида мигрантнинг даромад маълумотлари мавжуд бўлмаса ёки даромади яшаш минимумидан паст бўлса, патент бериш ёки узайтириш рад этилади.

Шунингдек, патент эгаси ҳисобот йилида Россияда ўн ой ёки ундан кам ишлаган бўлса, патент узайтирилмайди.

Россия Адвокатлар ассоциацияси бошқарув раиси Владимир Груздевнинг айтишича, ушбу меъёр вақтинчалик яшаш рухсатномаси ва доимий яшаш рухсатномаларини бекор қилишга ҳам асос бўлади.

Чекловлар, умумий даромади қарамоғидаги шахслар ҳисобига белгиланган яшаш минимумидан паст бўлган мигрантларга тааллуқли бўлади. Ҳисоб-китоб учун минтақавий коэффициентни ўз ичига олган махсус формула қўлланилади.

• Россия
• migrant