Жаҳон соғлиқни сақлаш ташкилоти томонидан Рамазон ойида соғлом овқатланиш бўйича эълон қилинган тавсиялар саҳарлик ва ифторлик учун таом тайёрлашга доир маслаҳатларни ҳам ўз ичига олади.

Жумладан, ёғли маҳсулотлар, айниқса, чарви ёки қуйруқли гўшт, қатламали, ёғ/маргарин ёки сариёғ қўшилган хамирдан тайёрланган таомлар истеъмолини камайтириш тавсия этилган.

Масаллиқларни қовуриш ўрнига, овқат тайёрлашнинг бошқа, масалан, буғда, соусда пишириш, кам миқдордаги ёғда қовуриб, печда қизартириш каби усулларидан фойдаланиш таъкидланган.

Шунингдек, таркибига меъёрдан ортиқ туз қўшилган озиқ-овқатлар cосиска, колбаса, дудланган, қайта ишланган ва тузланган гўшт, балиқ маҳсулотлари, зайтун меваси, шўр бодринг, тузли пишлоқлар, газаклар, майонез, кетчуп ва хантал қўшилган салатлар, соуслар истеъмол қилмаслик қатъий тавсия этилган.

Овқат тайёрлашда туздан иложи борича камроқ фойдаланиш ва туздонни стол устидан панага олиб қўйиш тавсия этилади.

Таъкидланишича, пиширилаётган таомлар таъмини яхшилаш учун турли ўт ва зираворлардан фойдаланиш мақсадга мувофиқ.

Мавзуга доир: Қандай беморларга рамазон рўзасини тутиш тавсия этилмайди?

• ЖССТ
• Ramazon