Самарада хотирани йўқотиш ва галлюцинацияларга олиб келадиган касаллик аниқланди. Бу “Бруцеллёз” эпидемияси деб номланади. Ушбу касаллик тарқалиши ва карантин ҳақида “Samara Online” сайти хабар бермоқда.

Малта, Кипр ёки Гибралтар иситмаси деб ҳам аталадиган “Бруцеллёз” Бруcелла бактериялари келтириб чиқарадиган хавфли касалликдир. Ушбу касаллик одамга гўшт, сут ва пишлоқ каби қайта ишланмаган ҳайвонот маҳсулотлари орқали юқиши мумкин. Юқтирилган ҳайвонлар, шу жумладан қўйлар, эчкилар, сигирлар, итлар ва бошқалар билан алоқа қилиш орқали юқтириш ҳам мумкин.

Шунунгдек, “Бруцеллёз” белгилари касаллик шаклига қараб ҳар хил бўлиши мумкин. Ўткир “Бруцеллёз” юқори иситма, бош оғриғи, заифлик, қусиш, диарея, мушак ва бўғимларда оғриқ, тошма ва лимфа тугунларининг катталашиши билан бошланади. Касалликнинг сурункали шаклида артрит, Марказий асаб тизимининг шикастланиши, гепатит, хотира ва ҳаракатларни мувофиқлаштириш бузилиши ва бошқа жиддий асоратлар пайдо бўлиши мумкин.

• карантин
• саломатлик