Айни пайтда Самарқанд вилояти Кенгашининг навбатдаги сессиясида вилоят ҳокими Эркинжон Турдимов Самарқанд вилоятни ижтимоий-иқтисодий ривожлантириш юзасидан 2021 йилда амалга оширилган ишлар якунлари ҳамда 2022 йилги вазифалар тўғрисида халққа мурожаати бўлиб ўтяпти.

Унда АОКА томонидан ташкил этилган медиа-турда иштирок этаётган Республика ва маҳаллий ОАВ вакиллари ҳам иштирок этмоқда. Бу ҳақда бевосита Самарқандда бўлиб турган Xabardor.uz мухбири хабар бермоқда.

Маълум қилинишича, жорий йилда 77,4 минг нафар фуқароларнинг бандлиги таъминланмоқда. Жумладан, уларнинг 40 минг 360 нафари тадбиркорликни ривожлантириш, тармоқ ва ҳудудий инвестиция лойиҳаларини амалга ошириш ҳисобига ҳамда 37 минг нафари доимий иш ўринларига ишга жойлаштирилади.

Қайд этилишича, барча йўналишларда давлат томонидан 4 488 нафар фуқарога 92 млрд. сўмлик субсидиялар ажратилган.

Шунингдек, «Темир дафтар», «Аёллар дафтари», «Ёшлар дафтари»га киритилган 8,1 минг нафар ишсиз фуқароларни касбга тайёрлаш ва қайта тайёрлаш ҳамда уларнинг малакасини ошириш учун, 6,3 млрд. сўм маблағ ажратилган.

Келтирилишича, бугунги кунда вилоятдаги ишсизлик даражаси 9,7 фоизни ташкил этиб, 155 минг нафар фуқаролар ишсизлар рўйхатида турибди. Ҳар йили меҳнат бозорига 75 минг киши кириб келади.

• Медиа-тур
• Самарқанд
• ҳоким
• сессия