Саудия Арабистонинг “Ал-Ҳилол” клуби Лионель Месси исми туширилган футболкалар сотишни бошлади. Клубнинг йирик дўконларидан олинган фотосуратлар ижтимоий тармоқларда тарқалди ва футбол мухлисларининг шов-шувларига сабаб бўла бошлади.

Аммо, бу фақатгина шов-шув кўтариш учун бўлиши эҳтимоли юқори. Чунки, яқинда “Ал-Наср” клубига ўтган Криштиану Роналдунинг азалий рақибини Саудия лигасига келиши мумкинлигини ишора қилиб, мазкур жамоанинг интернетда хабар тарқатиши фақатгина шов-шув учунгина бўлиши мумкин.

Лионель Мессининг ПСЖ билан шартномаси шу йилнинг ёзида тугайди. Ишончли манбалар Леонинг Париж клуби билан янги шартнома имзолаши мумкинлиги ҳақида хабар қилишмоқда. ПСЖ директори Носир Ал Хелайфи яқин кунларда ўз ўрнида аргентиналик футболчининг ҳам француз клубида бахтли эканлигини таъкидлаб интервю берган эди.

• Ал-Наср
• Месси
• PSJ
• Саудия Арабистони