Олий Мажлис Сенатининг ўнинчи ялпи мажлисида “Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида”ги қонун маъқулланди.

Қонунга мувофиқ, эндиликда маҳкумлар тузалиш йўлига ўтган тақдирда уларнинг жазони ўташ муддати қисқартирилади.

Хусусан, Республика Маънавият ва маърифат маркази томонидан тасдиқланган рўйхатдаги китобларни ўқиб, билимини имтиҳон орқали тасдиқлаган ҳар бир маҳкумнинг жазоси 3 кунга қисқартирилади. Бу тартиб бир йил давомида энг кўпи билан 30 кунгача қўлланади.

Мазкур норма жазодан муддатидан олдин шартли равишда озод қилиниши мумкин бўлган маҳкумларга (умрбод озодликдан маҳрум этилганлардан ташқари) татбиқ этилади.

Қонун амалда ҳозирда жазони ижро этиш муассасаларида жазо муддатини ўтаётган 13,5 мингдан ортиқ маҳкумга татбиқ этилади.

• Jazo
• Китоб
• Маҳкум
• Қонун
• Сенат