Жорий йил 3 сентябр куни Қирғизистоннинг Иссиқкўл шаҳри мезбонлик қилаётган 64 катакли шашка бўйича имконияти чекланган спортчилар ўртасида жаҳон чемпионатига старт берилди.

Мазкур турнирда 13 нафар спортчимиз юртимиз шарафини ҳимоя қилишмоқда. Дастлаб рапид йўналишида ғолиб ва совриндорлар аниқланди. Қувонарлиси, ушбу йўналишда вакилларимиз бир қанча медалларга эга чиқишди.

23 ёшгача бўлган ўғил болалар ўртасида Файзулла Мардиев, шу ёшдаги қизлар ўртасида Одина Шовдирова ҳамда эркаклар ўртасида Баҳодир Убайдуллаевлар чемпионга айланишди.

Шунингдек, 23 ёшгача бўлган ўғил болалар ўртасида Аббосжон Равшанов, 23 ёшгача бўлган қизлар ўртасида Маҳбуба Ҳалилова, аёллар ўртасида Чарос Баликовалар кумуш ҳамда 23 ёшгача бўлган қизлар ўртасида Садоқат Тулибаева бронза медалига эга чиқишди.

Мусобақалар 15 сентябргача давом этади.

• Ўзбекистон
• Шашка