“Исроил бош вазири Бинямин Нетаняху ва Сурия президенти Аҳмад аш-Шара АҚШ кўмагида, Туркия, Иордания ва бошқа қўшни давлатлар томонидан қўллаб-қувватланган ҳолда ўт очишни тўхтатиш бўйича келишувга эришди”, — дея маълум қилди америкалик дипломат Том Баррак.

Дипломат друзлар, бадавийлар ва суннийларни қуролларни ташлаб, бошқа озчилик гуруҳлар билан биргаликда қўшни давлатлар билан тинчлик ва фаровонликда яшайдиган ягона Сурияни барпо этишга чақирган.

Шунингдек, Сурия ҳукумати ҳам Американинг Туркиядаги элчисининг Исроил билан тинчлик келишувига эришгани ҳақидаги маълумотларини тасдиқлади.

Июль ойи бошида Суриянинг жануби-ғарбида жойлашган Ас-Сувайда шаҳрида друзлар ва бадавийлар ўртасида тўқнашувлар бошланган эди. Ушбу зиддият фонида Исроил “друзларни ҳимоя қилиш” важида Дамашққа бир неча бор авиазарбалар берди.

• Havo hujumi
• Isroil
• Suriya