Пайшанбага ўтар кечаси Таиланд Камбоджа билан чегарани ёпганини эълон қилди. Хабар берилишича, икки давлат чегарасида жанглар бўлиб ўтмоқда. Таиланд камида уч нафар тинч аҳоли вакили, жумладан, беш ёшли боланинг оғир яраланганини маълум қилди. Таиланд ҳукумати Камбоджа армиясини касалхоналардан бирига ўт очганликда айбламоқда.

Камбоджа эса, аксинча, Таиландни артиллерия қуролларидан фойдаланишда ва ўз ҳудудига авиазарбалар йўллаганликда айблаган. Камбоджа ҳукумати Таиланднинг ҳаракатларини “ваҳший ва ноқонуний тажовуз”, шунингдек, “БМТ низоми ва халқаро ҳуқуқнинг асосий тамойилларини қўпол равишда бузиш” деб атаган.

Аввалроқ Таиланд ўз ҳарбийларидан бири Камбоджа билан чегара ҳудудида мина портлаши оқибатида ҳалок бўлганини билдирган эди.

“Сўнгги пайтларда икки давлат ўртасидаги зиддият кескинлашиб бормоқда. Можаро чуқурлашган сари Камбоджа Таиланддан мева ва сабзавотлар импортини тақиқлади ҳамда Таиланд филмларини намойиш қилишни ман қилди. Бундан ташқари, Икки давлат ўртасидаги кўплаб чегара ўтиш пунктлари фаолияти тўхтатилган ёки чекланган”, – дея хабар бермоқда ББC.

• Камбоджа
• Tailand