Бразилиянинг Vale кон компанияси Tesla билан 1-даражали никел (деярли 100% металл таркиби) етказиб бериш бўйича узоқ муддатли шартнома тузди. Бу ҳақда Vale сайтидаги хабарда сўз боради. У битимнинг молиявий шартлари, шартнома муддати ва бошқа шартларни ошкор қилмаган. 

Таъкидланишича, Vale фақат Канадада ишлаб чиқарилган металлни АҚШга етказиб бермоқчи. Никел электр транспорт воситаларида қўлланиладиган энг кучли литий-ионли аккумуляторларнинг таркибий қисмларидан бири ҳисобланади.

Financial Times нашрининг қайд этишича, Vale билан келишув Tesla'нинг хитойлик бўлмаган ҳамкорлардан етказиб беришни кўпайтириш бўйича сўнгги ҳаракатидир. Таҳлилчиларнинг фикрига кўра, ҳозирда дунёдаги никел ишлаб чиқаришнинг 80% дан ортиғи Хитойда жойлашган ва дунёдаги конларнинг 60% хитойлик компанияларга тегишли.

“Сайёрамизда бу металнинг тақчиллиги йўқ, лекин уни қазиб олиш ва қайта ишлаш кўрсаткичлари паст”, дейди миллиардер. 

Маълумот учун, Tesla 2022 йилнинг биринчи чорагида рекорд даражадаги 310 048 та автомобил етказиб берди. Маск бу даврни Хитойда коронавирус туфайли етказиб бериш занжиридаги узилишлар ва блокировкалар туфайли ўта оғир давр деб атади. Хусусан, Шанхайдаги Tesla йиғиш заводи ўз ишини тўхтатди. Апрел ойи охирида Илон Маск Twitter’нинг 44 миллиард долларлик харидини молиялаштириш учун Теслаънинг 8,5 миллиард долларлик акцияларини сотди. 

• Ilon_Mask
• Metallurgiya
• Tesla
• Twitter