2025 йил 29 июль куни Тошкент–Деҳли йўналишидаги рейс давомида бир йўловчининг аҳволи ёмонлашганида, Тошкент давлат тиббиёт университетининг Халқаро факультетида таҳсил олаётган ҳиндистонлик талаба Моҳам Моҳдамас унга зудлик билан биринчи тиббий ёрдам кўрсатди ва унинг ҳаётини сақлаб қолишга ёрдам берди.

“Самолёт парвози вақтида борт командири экипажда шифокор бўлса, хабар беринг деган эълон берди.

Мен ўзимни таништириб, ёрдам бера олишимни айтдим. Бемор 48 ёшли аёл бўлиб, жуда хавотирланган, юраги тез-тез ураётганди. Текширувдан сўнг унда тахикардия хуружи борлигини аниқладим ва дарҳол каротид массажини бошладим.

10–15 сония ичида беморнинг аҳволи яхшилана бошлади. Самолёт Деҳлига қўнганидан сўнг, беморни тиббиёт ходимларига топширдик” – дея ҳикоя қилди Моҳам Моҳдамас.

• Ҳиндистон
• Талабалар
• Tez tibbiy yordam
• Тиббиёт