Олмалиқда заргарлик дўконига ўғирликка тушган шахс қўлга олинди. Бу ҳақда Миллий гвардия “Қўриқлаш” бўлими маълум қилди.

Қайд этилишича, жорий йилнинг 2 сентябрь куни соат 10:48 да Олмалиқ шаҳар “Қўриқлаш” бўлимига қўриқловга олинган заргарлик буюмлари дўконидан “ташвиш” хабари келиб тушган.

Тезкорлик билан воқеа жойига етиб келган ходимлар томонидан мазкур дўкондан заргарлик буюмларини ғайриқонуний тарзда олиб чиқишга уринаётган номаълум шахс қўлга олинган.

Дастлабки текширув ишлари натижасида фуқаро 1987 йилда туғилган Т.А эканлиги аниқланган.

Мазкур ҳолат бўйича суриштирув ишлари Олмалиқ шаҳар ИИБ томонидан олиб борилмоқда.

• Фирибгарлик
• O'g'irlik
• Zargarlik buyumlari