Бугун, 27 январь куни тахминан соат 01:20 ларда Миробод тумани, Шаҳрисабз кўчаси “Comfort Elit” дўкони қаршисида 2001 йилда туғилган И.А. бошқарувидаги Ford Mustang русумли транспорт воситаси, 2003 йилда туғилган Х.Т. бошқарувидаги Tracker-2 русумли транспорт воситаси, ҳайдовчи 2005 йилда туғилган А.С. бошқарувидаги Onix русумли автомашиналари ўзаро тўқнашуви натижасида йўл-транспорт ҳодисаси содир бўлган.

Бу ҳақда Тошкент шаҳар ИИББ ЙҲХБ ахборот хизмати хабар берди.

ЙТҲ натижасида, Tracker-2 автомашина йўловчиси 2008-туғилган М.Э. ҳамда ҳайдовчиси тан жароҳат олганлиги сабабли шифокорлар томонидан биринчи тез тиббий ёрдам кўрсатилган.

Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

• Миробод
• Тошкент
• YTH