Тошкентдаги 21-сонли Меҳрибонлик уйи ўз фаолиятини тўхтатди. Бу ҳақда “Меҳрибонлик” сайтида маълум қилинди.

Қайд этилишича, мазкур Меҳрибонлик уйида 5 ёшдан 18 ёшгача бўлган 122 нафар бола тарбияланган. Бугунги кунда 67 нафар тарбияланувчи Оилавий шароитда вояга етаётган бўлса, уларнинг 12 нафари бугун пойтахтда барпо этилган 5та Оилавий болалар уйида улғаймоқда. 6 нафар бола ота-онаси ёки яқин қариндошларига қайтарилган.

Қолаверса, 50 дан ортиқ ўғил-қизлар васийликка олинган. Болалар 18 ёшга тўлиб, вояга етгач муассасани тарк этган. Натижада 21-сонли Меҳрибонлик уйида атиги 27 нафар тарбияланувчи қолган. Шу боис, барча болалар пойтахтда жойлашган 22-сонли Меҳрибоник уйига ўтказилган.

21-сонли Меҳрибонлик уйи бўлса, ўз фаолиятини тўхтатган

• Mehribonlik_uyi