Фавқулодда вазиятлар вазирлиги Тошкентдаги меҳмонхонада содир бўлган ёнғин ўчирилганини маълум қилди.

Қайд этилишича, бугун, 16-октябрь куни соат 17:17 да Тошкент шаҳар Миробод тумани Шаҳрисабз кўчасида жойлашган меҳмонхоналар бирининг реконструксия қилинаётган биносини том қисмида ёнғин содир бўлаётганлиги тўғрисида ФВБга хабар тушган.

Шунга кўра, 14 та ёнғин-қутқарув экипажи воқеа жойига соат 17:24 да етиб бориб, ёнғин соат 18:19 да қуршаб олинган ва соат 19:16 да бартараф этилди.

“Ёнғин натижасида тан жароҳати олган ва вафот этган фуқаролар тўғрисида хабар келиб тушмади. Ҳодиса жойига Фавқулодда вазиятлар вазири генерал-маёр А.Х.Қўлдошев етиб бориб, ёнғинни бартараф этиш жараёнини бошқариб борди. Ҳозирда ёнғин сабаби ва келтирилган моддий зарар миқдори аниқланмоқда”, - дейилади хабарда.

• ФВВ
• Mehmonxona
• Тошкент