АҚШ Президенти Доналд Трамп Кети Захарияни Оқ уйнинг янги матбуот котиби этиб тайинлаганини эълон қилди. У август ойи охирида лавозимини тарк этган Керолин Ливиттнинг ўрнини эгаллайди. Бу ҳақда «Тҳе Гуардиан» нашри хабар берди.

Трамп 9-октябрь куни ўзининг Трутҳ Соcиал ижтимоий тармоғида тайинлов ҳақида маълум қилди. У Захарияни ўзининг содиқ тарафдори ва МАГА ҳаракати аъзоси сифатида таърифлади.

Кети Захария аввал АҚШ Ички хавфсизлик вазирлигида матбуот котиби бўлиб ишлаган. Ҳозирда у Трампга тегишли Трутҳ Соcиал платформасига эгалик қилувчи Трумп Медиа анд Течнологй Гроуп компаниясида коммуникатсиялар бўйича маслаҳатчи сифатида фаолият юритади.

Захария Калифорнияда туғилган, Пеппердайн университетида таҳсил олган. У университетдаги Республикачилар талабалар ташкилотига раҳбарлик қилган, шунингдек, Жорж Буш президентлигининг иккинчи муддати давомида Оқ уйнинг сиёсий масалалар бўйича идорасида ва Республикачилар миллий қўмитасида амалиёт ўтаган.

Трамп янги матбуот котиби ОАВ вакиллари, Америка жамоатчилиги ва маъмурият билан самарали ишлашига ишонч билдирган. Захариянинг тайинланиши Вашингтонда кутилмаган қарор сифатида баҳоланган, чунки аввалроқ консерватив телебошловчи Скотт Женнингс ушбу лавозимга асосий номзодлардан бири сифатида кўрилган.