Доимо трендда бўлиш учун эркаклар ва аёлларга қандай кроссовка кийишлари керак? Узун бўйли, диққатни тортадиган, классик ва энг муҳими дизайнерлар томонидан тавсия этилган оёқ кийимлар сизни бефарқ қолдирмаслиги аниқ.

1. Кумуш рангли, қалин тагликка эга кроссовкалар 

Катта тагликли моделлар бир неча йиллардан бери мода тенденциялари рўйхатида. Таниш услубни янги мавсумда долзарб қилиш учун кумуш рангли кроссовкалар кийиш тавсия этилмоқда. Агар ялтироқ оёқ кийим сиз учун жуда қалинлик қилса, металл деталлари бўлган поябзалларни танланг.

2. Тасмали кроссовкалар

Спорт залларида кўпроқ учрайдиган узун бўйли моделлар ҳам аста-секин шаҳар аҳолиси гардеробига жойлашиб бормоқда. Улар нафақат шим ёки шорти, балки узун кўйлаклар билан ҳам мос келиши мумкин. 

3. Универсал услубдаги кроссовкалар

Ёрқин декоратив деталлар ва қарама-қарши элементларсиз яратилган моделлар деярли ҳар қандай кийим билан бирлаштирилиши мумкин. Кроссовкалар орасидан ўзингиз истаган ранглисини танлашингиз мумкин: қора, оқ ёки қаймоқранг. Бундай поябзалларнинг энг катта афзаллиги бу уларнинг кўп қиррали эканлигидир.

4. Қўлбола элементларга эга кроссовкалар 

Таг қисми ғайриоддий кўриниши, устки қопламаси эса аниқ текстурали матодан иборат экани билан ажралиб турувчи оёқ кийимлар сизга ёқиши аниқ. Ушбу вариантлардан ҳар бири чинакам замонавий кўринишни яратишга ёрдам беради. Бундай кроссовкаларни лаконик кийимлар билан кийиш яхшироқдир.

5. Оқ рангли кроссовкалар

Қандай оёқ кийим танлаш тўғрисида мустақил қарор қабул қила олмайдиганлар учун энг яхши вариант аниқ. Бу ўртача баландликка эга бўлган оқ рангли минималист моделлардир. Ушбу кроссовкалар ҳар қандай касб эгалари, ҳатто бизнесменлар учун ҳам мос келади.
 

• Krossovka
• oyoq kiyim