Туркия олий ўқув юртлари мамлакат жануби-шарқида содир бўлган вайронкор зилзила муносабати билан масофавий таълимга ўтади. Бу ҳақда Туркия президенти Ражаб Тоййиб Эрдўған.

“Ўчоғи Қаҳраманмарасда бўлган ҳалокатли зилзилалар оқибатлари туфайли Туркия университетлари ёзгача тўлиқ масофавий таълимга ўтади”, деди Эрдоған бугун, 11 февраль куни Диярбакир вилоятига ташрифи чоғида.

Унга кўра, офат зонаси аҳолиси давлат балансида бўлган барча ётоқхоналарга жойлаштирилади.

Президент табиий офат оқибатларини бартараф этиш учун давлат барча имкониятларни сафарбар қилганига ишонтирди.

“Фуқароларни ҳокимиятга ишонишга чақираман, биз сизни қийин аҳволда қолдирмаймиз!”, - деди Президент.

6 февраль куни эрталаб Туркия жануби-шарқида 7,7 магнитудали зилзила юз берди. Туркия президенти Ражаб Тоййиб Эрдўғаннинг сўзларига кўра , бу 1939-йилдан бери энг кучлиси бўлди. Ўша куни тушдан кейин яна 7,6 магнитудали зилзила содир бўлди. Ер силкинишлари, сўнгра юзлаб ерости силкинишлари мамлакатнинг 10 вилояти ва қўшни давлатлар, жумладан Сурияда ҳам сезилган. Табиий офат оқибатида 21 мингдан ортиқ одам ҳалок бўлди.

• Туркия
• Университет
• Зилзила
• masofaviy ta'lim