Кеча, 2025 йил 8 октябрь куни соат 20:35 да Фарғона халқаро аэропортига Туркия Республикасининг Истанбул шаҳридан учиб келган самолётда 13 ёшли Ўзбекистон фуқароси ватанга қайтди.

У чет элда оғир ҳаётий вазиятда қолиб, Ўзбекистон Республикасининг Истанбулдаги Бош консулхонаси ходимларига ёрдам сўраб мурожаат қилган.

Ушбу ҳолат юзасидан Ташқи ишлар вазирлиги ҳамда Ўзбекистон Республикаси Президенти ҳузуридаги Ижтимоий ҳимоя миллий агентлигининг тезкор ҳамкорликдаги ҳаракатлари натижасида вояга етмаган фуқаро хавфсиз равишда ватанга қайтарилган.

Фарғона халқаро аэропортида уни Қўқон шаҳар “Инсон” ижтимоий хизматлар маркази ходимлари кутиб олиб, боланинг кейинги тақдири — яъни уни бувиси қарамоғига топшириш масалалари бўйича зарур чораларни кўрмоқда.

Вояга етмаган фуқаронинг ижтимоий ҳимояси ва психологик қўллаб-қувватланиши унинг доимий яшаш манзилида давом эттирилади.

Шунингдек, ҳозирда Ўзбекистон Республикаси Ички ишлар вазирлиги, Ижтимоий ҳимоя миллий агентлиги ҳамда Соғлиқни сақлаш вазирлиги ходимлари Россия Федерацияси ва Қозоғистон Республикасида хизмат сафарида бўлиб турибди.

Яқин кунларда Туркия Республикасига ҳам хизмат сафарини амалга ошириш режалаштирилган бўлиб, унинг доирасида ота-она қарамоғисиз қолган 30 нафардан ортиқ ўзбекистонлик болаларни ватанга қайтариш ишлари олиб борилади.

• Ижтимоий ҳимоя
• Ўзбекистонлик
• Туркия
• fuqaro