Кеча, 9 июнь куни Италия пойтахтида старт олган таэквондо WТ бўйича Гран-при мусобақасининг -68 кг вазн тоифасида баҳс олиб борган ўзбекистонлик Улуғбек Рашитов мусобақа олтин медалини қўлга киритди.

Мазкур мусобақанинг биринчи куни Ўзбекистон терма жамоаси учун омадли бошланди. Ярим финалда хорватиялик рақиби Марко Голубик даянга чиқмаганлиги сабабли Рашитов жангсиз финал йўлланмасини қўлга киритди.

Шунингдек, у финалда венгриялик Левенте Жозсани 2:0 ҳисобида мағлубиятга учратди. Бу билан 8 йиллик танаффусдан сўнг, ўзбекистонлик таэквондочилар Гран-при мусобақасида илк олтин медалга сазовор бўлди.

• Италия
• Таэквондо