Uzbek Gift Contest  танловига аризалар қабул қилинмоқда

Туризм қўмитаси, “Ҳунарманд” уюшмаси ҳамда Бадиий академия ҳамкорлигида миллий ҳунармандчилик маҳсулотларини замонавий туристик сувенир сифатида оммалаштиришга қаратилган “Узбек Gift Contest” кўрик-танлови эълон қилинди.

Танловда дизайнерлар, рассомлар, ижодкор ёшлар ҳамда “Ҳунарманд” уюшмаси аъзолари иштирок этиши мумкин. Ғолиб деб топилган ҳар бир иштирокчи 5 миллион сўм пул мукофоти билан тақдирланади.

Рўйхатдан ўтиш:

Дизайнерлар учун — https://forms.gle/ac9gqAeHZLKoHaRa8

Ҳунармандлар учун — https://forms.gle/MQ6XX6og9jjJVNKp7

Аризалар:

1-босқич учун — 16 августгача;

2-босқич учун — 20 сентябргача қабул қилинади.

Танловнинг асосий мақсади ҳудудлардаги ижодкорлар салоҳиятини қўллаб-қувватлаш, миллий ҳунармандчилик маҳсулотларини замонавий туристик совғага айлантириш ҳамда сайёҳлар учун ихчам, сифатли ва ҳамёнбоп сувенирлар яратишни рағбатлантиришдан иборат.