Япониянинг энг нуфузли адабий мукофоти – Акутагава мукофотининг 17-ғолиби Риэ Кудан ўз романини ёзишда ChatGPT’дан фойдаланганини тан олди. Бу ҳақда “Euronews” хабар берди.

Қайд этилишича, охирги романи “Токио ҳамдардлик минораси” Акутагава ҳакамлар ҳайъатини қувонтирди. Улар асарни “шунчалик мукаммалки, ундан айб топиш қийин” деб топган. 33 ёшли ёзувчи эса мукофот топшириш маросимида “ўз имкониятларидан тўлиқ фойдаланганини” маълум қилган.

Шунингдек, у “китобнинг тахминан 5% АI томонидан яратилган жумлалар” эканлигини тушунтирган, сўзма-сўз иқтибос ҳам келтирган.

Муаллиф сунъий интеллект билан тез-тез суҳбатлашиш унга “ҳеч ким билан гаплаша олмайдиган” ички фикрларини баҳам кўришга имкон берганини тан олди ва кейин ChatGPT’нинг жавоблари баъзан романда суҳбатни илҳомлантиришини қўшимча қилган.

“У сунъий интеллектдан моҳирлик билан фойдаланиб китоб ёзган... Бу истеъдодми? Билмадим”, деб ёзади Х тармоғидаги фойдаланувчилардан бири.

Ушбу мукофотни топширувчи ташкилот эса ҳозирча ғолибнинг сўзларига изоҳ бермаган.

• ChatGPT
• Китоб