Самарқанд шаҳрида ўтказилаётган Европа тикланиш ва тараққиёт банки (ЕТТБ ) Бошқарувчилар кенгаши йиғилишида Мактабгача ва мактаб таълими вазирлиги, Иқтисодиёт ва молия вазирлиги ҳамда ЕТТБ ўртасида уч томонлама техник ёрдам бериш шартномаси имзоланди.
Шартномага кўра, дастлабки босқичда ЕТТБ мутахассислари томонидан грант олиш, Наманган ва Фарғона вилоятида 15 та мактаб қуриш режалаштирилган.
Лойиҳанинг капитал қиймати 55-75 миллион АҚШ долларини ташкил этади.
Таъкидлаш лозим, Президент фармонига (08.04.2022 йил, ПФ-101-сон) кўра, давлат-хусусий шериклик шартлари асосида 2022-2024 йиллар давомида масъул вазирлик ва идоралар олдига ЕТТБ кўмагида давлат-хусусий шериклик шартларида умумтаълим мактабларини халқаро стандартлар бўйича реконструкция қилиш ва жиҳозлаш ишлари белгилаб берилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!