Кубада яна йирик энергетик инқироз юз берди. Мамлакатнинг миллий электр тармоғида содир бўлган носозлик оқибатида деярли бутун орол электр таъминотисиз қолди. Натижада қарийб 10 миллион аҳоли электр энергиясидан узилди.

Куба расмийлари электр таъминотини босқичма-босқич тиклаш ишлари бошланганини маълум қилди. Дастлаб шифохоналар, сув таъминоти тизимлари ва бошқа муҳим инфратузилма обектларига электр узатиш устувор вазифа сифатида белгиланган.

Мазкур ҳодиса 2026-йил бошидан буён мамлакатда кузатилган учинчи йирик миллий блекаут бўлди. Мутахассислар бунга эскирган электр инфратузилмаси, ёқилғи тақчиллиги ва энергетика тизимидаги узоқ йиллик муаммолар сабаб бўлаётганини таъкидламоқда.

Блекаут АҚШнинг Гавана ҳукуматига нисбатан иқтисодий ва сиёсий босими кучайган бир даврда юз берди. Хабарларга кўра, 2026-йил январидан буён АҚШ оролга фақат бир марта — март ойининг охирида Россиянинг битта танкерида нефт етказиб берилишига рухсат берган. Тахминан 730 минг баррел ҳажмидаги ушбу нефт захираси май ойига келиб тугаган.

Ҳозирда электр таъминотини тўлиқ тиклаш ишлари давом этмоқда.