Жаҳон соғлиқни сақлаш ташкилоти маълумотларига кўра, дунё аҳолисининг учдан бир қисми табиий йод танқис бўлган шароитларда яшайди. Ачинарлиси, уларнинг 30 фоиздан ортиғи — мактаб ёшидаги болалар ҳисобланади.

Бу масалага жиддий эътибор берилишининг сабабларидан бири йод танқислиги туғма касалликлар даражасини оширади, ҳомила ва чақалоқларда миянинг қайтарилмас шикастланиши, интеллектуал салоҳият пасайишига сабаб бўлади.

Соғлиқни сақлаш вазирлиги берган маълумотларга кўра, ҳозирда бундай хасталиклар минтақамизда ҳам ўткир муаммога айланиб бормоқда. Чунки Марказий Осиё йод танқислиги оқибатида келиб чиқадиган патологиялар кенг тарқалган эндемик минтақалар сирасига киради.

Сифатли ош тузининг қадоғида ишлаб чиқарган ташкилот ва маҳсулот номи, товар белгиси, унинг нави ҳамда янчилиш даражаси, ишлаб чиқарилган санаси, яроқлилик муддати, йодлаш қўшимчаси номланиши ҳамда бошқа қатор маълумотлар акс этиши керак. Шунингдек, ош тузларини 28 даражадан юқори бўлмаган ҳароратда сақлаш талаб этилади.

Жаҳон соғлиқни сақлаш ташкилотининг берган тавсиясига кўра, организмдаги моддалар алмашинувини меъёрлаштириш учун кунлик йодланган ош тузи истеъмолини бир чой қошиқ - 5 граммдан оширмаслик керак бўлади.

• Болалар
• ЖССТ
• Мактаб
• Туз